|
Prinsen nuujs:
Vrunj van de Kwekkerte
C.v. “de Kwekkerte” is ein sjtichting. Hiejvan kèn ze allein mer lid waere, es ze auch lid van de raod van ellef of de garde bös. Mer neet ederein wilt det, terwiel d’r toch väöl miense op de ein of anger meneer waal mit de Kwekkerte verbonje zouwe wille zin. Daoróm sjtèlle de Kwekkerte vanaaf noe alle belangsjtèllende in de gelegenheid om zich aan te melje es “vrunj van de Kwekkerte”. Hiejveur höbbe ze 3 pakkette samegesjtèld, woot g’r ein keus oet kènt make. Eder pakket guf uch ein aantal perseunlikke privileges. Dees 3 pakkette zin : Pakket I: (kontrebusie per jaor € 11,--) • "Kwekkerte pas" op naam! • Sjpeldje "Vrunj van de Kwekkerte" • Per hoeshaaje ‘t logo van de Kwekkerte in geetiezer. Kènt ’t ganse jaor in de vlaggesjtekhaajer. Pakket II: (kontrebusie per jaor € 22,--) • "Kwekkerte pas" op naam! • Sjpeldje "Vrunj van de Kwekkerte" • Per hoeshaaje ‘t logo van de Kwekkerte in geetiezer. Kènt ’t ganse jaor in de vlaggesjtekhaajer. • 25% Kórting op de Bóntje Aovindj op vertoon van de Kwekkertepas. Pakket III: (kontrebusie per jaor € 33,--) • "Kwekkerte pas" op naam! • Sjpeldje "Vrunj van de Kwekkerte" • Per hoeshaaje ‘t logo van de Kwekkerte in geetiezer. Kènt ’t ganse jaor in de vlaggesjtekhaajer. • 50% Kórting op de Bóntje Aovindj op vertoon van de Kwekkertepas • € 5,-- kórting biej aankoup Kwekkertevlag “t Sjpeldje “Vrunj van de Kwekkerte” en ’t Logo vanne Kwekkerte in geetiezer krieg g’r oeteraard allein ’t eerste jaor. De volgende jaore krieg g’r hiejveur ein anger aardigheidje, det uch duit dinke aan de Kwekkerte. Op eure jas of vastelaovespekske kènt g’r ’t sjpeldje “Vrunj van de Kwekkerte” sjtaeke, waat biej eder pakket zit, en den kan ederein zeen, des ze eine vruntj vanne Kwekkerte bös. Dit sjpeldje waerd netuurlik aan anges nemes oetgedeild. Wilt g’r d’r auch biejheure ? Num den kontak op mit Peter van Heur, Aldrinsjtraot 3, tillefoon 501277 of Björn Eggels, Kerkweg 21, tillefoon 503380. Eder pakket is perseunlik. Wilt g’r mit meer persone oet ein gezin “vruntj van de Kwekkerte’’ waere, gaef dit den dudelik aan. --------------------------------------------------------------------------------
4 x 11 PLEIN-FESTASIE.
Volges mich weite de meiste Boekoelse miense ’t helemaol neet, det d’r vastelaoveszaoterdigmiddig ouch oppe Boekoel ein festasie is en waal biej ‘t 4 X 11 Plein. Jao, geur laest ’t good! 4 X 11 Plein- festasie, op ’t plein biej de Kwekkert. Neet allein in Remunj, Vènlo en Mesjtreech waerd d’r gefees, ouch oppe Boekoel is d’r ein festasie. Vanaaf 11 menute euver 3 kènt geur dao terech. ’t Biezónjere aan dees festasie is: doe moogs de drank en ‘t aete zelf mitbringe. Baeter gezag: doe mós de drank en ’t aete zelf mitbringe. Hiej kèns se den de vastelaovindj inloeje. Biej kaad waer waerd de vuurkorf gesjtaok en biej raegen haet ederein de paraplu biej zich. ’t Geit altied door en es se neet oetkieks, kèns se beheurlik ónger de ker kómme. Mer de meiste miense zin versjtenjig, die weite det d’r saoves ouch nag get op ’t programma sjteit. Verder zeuke veur veur dees festasie nag sjponsors, zodet veur ouch artieste kènne laote optraeje. Miense die zich hiejtoe gerope veule, kènne zich melje biej de organizasie. En waem wèt, mesjien gruit ’t ouch waal oet toet ein megafestasie. Miense, toet vastelaoveszaoterdig op ‘t 4 X 11 Plein biej de Kwekkert!AAD PRINSE vanne BOEKOEL.